Mohabbat...

Tumhara Naam liya or Ibtida kardi,.,.,

Aaj Ashk bahane ki intiha kardi,.,.

Kaisey kahoon who mere liye jia hi nahi,.,..

Ke jis ke naam pe zindagi fana kardi,.,,.

Udaas Ratoon mein,.,.

Ae saath chorne wale,.,.

Bicher ker tu ne meri Zindagi saza ker di,.,.

Kabhi hanso to us ko nagwaar lagta hai,.,.

Zara bata to mein ne kiya khata kerdi,.,.,

her aik moor per un ga gumaan guzarta hai,,.

Nazar Ae khuda kesi mujh ko ata kerdi,.,.

Tamaam umer hamein bas aik hi kaam raha,.,.,

Uthaaye haath or un ke liye dua kerdi,.,.,..,,.,.

Woh jo dil mai tera muqaam hai.

Wo jo dil main tera maqam he kisi aur ko wo dya nahin
wo jo rishta tujh se he ban gya kisi aur se wo bana nahin

wo jo pyar tujh se ho gya kisi aur se wo hua nahin
wo jo raaz tujh se he keh dya kisi aur se wo kaha nahin

wo jo sukh mila teri zaat se kisi aur se wo mila nahin
tu basa he aankhon main js tarah koi aur aisy basa nahin

tu hua he jitna qareeb tar koi aur itna hua nahin
tera naam dil main he jis tarah koi naam aisy likha nahin

FAYSAL'S POETRY: Yeh wafa bhi kya khata hai mujhe sochna parhe ga

FAYSAL'S POETRY: Yeh wafa bhi kya khata hai mujhe sochna parhe ga

:: Zara Tum SHam Hone Do ::

Zara Tum SHam Hone Do...

maIn TiTliOn Ko Sula DounGa..
Zara Tum SHam Hone Do..

mai JuGnOun Ko JaGa DounGa..
Zara Tum SHam Hone Do..

meri numnaK anKHon Ko..
na Tum DeKHo HaQaraT Se..
maIn TumKO BHi rula DounGa..
Zara Tum SHam Hone Do..

KaHan aGhaZ HoTa Hai..
KaHan anJam HOTa Hai..
Hunar Sare SikHa DounGa..
Zara Tum SHam Hone Do..

Jo Tumne MujHSe PoOcHa Hai..
KaHan HoGi Tumari SHam..
JaHan HoGI BaTa DounGa...
Zara Tum SHam Hone Do.

Nahi likhna.

Mujhey darya nahi likhna,mujhey sehra nahi likhna
Tasallsul se safar main hoon, mujhey thehra nahi likhna

Puranay rabton ki raakh ab tak dil main baqi hai
Meri jalti hatheli par naya wada nahi likhna

Anaa se jeet kar usko agar jo mainey khoya hai
Mera noha nahi likhna mera naghma nahi likhna

Bisat-e-zindagi ki aakhiri sarhad pe kharii hoon
mujhe mashhoor na karna mera charcha nahi likhna

Ye na ho tum kabhi us ko mitaana chaho, na mitay
Mujhey apna samajh lena magar apna nahi likhna

Meri aankhon may baatein hay magar chehray pe gehri chup
Meri aankhein to likh dena mera chehra nahi likhna

Kahin aisa na ho meri kasak us dil main reh jaye
Mera dukh dard likh dena magar gehra nahi likhna

Buhat tha.

Tabeer jo mil jaati tu ik khuwaab buhat tha,

Jo shakhs ganwa betha, wo naayab buhat tha,

Main kaise bacha leta bhala kashti-e-diL ko,

Darya-e-Muhabbat main sailaab buhat tha.

Laye shamien guzar deta houn.

Main Lamhon Ko Waqt Ki Pukaar Deta Hoon..!

Isi Lagan Mein Kaye Shaamein Guzaar Deta Hoon..!

Main Yunhi Her Aik Se Be-Rabt Nahin Milta,

Her Aik Shakhs Ko Us Ka Mayyaar Deta Hoon..!

Main Gham Ki Kashti Ko Dabona Nahin Chaahta,

Bojh Barrh Jaye To Kuch Utaar Deta Hoon..!

Khushiyan Koi Maangey To Muft Deta Hoon,

Gham Maangey Koi To Udhaar Deta Hoon..!

Badla Lena Meri Fitrat Mein Nahin HAFIZ,

Khizaan Ke Badley Bahaar Deta Hoon..!

Manana nahi ja ker.

Ab jo roothay to kabhi manana nahi ja ker,
Seh liengay dukh, ussay sunana nahi ja ker,

Laut aye ga zaror ager woh mera huwa,
Aaj say teh huwa, khud bulana nahi ja ker,

Ussey chaha hai, ussey chahtay rehiengay,
Uskay dil mai hai kia, aazmana nahi ja ker,

Milay to barsa diengay hum payar us per,
Nahi to haal-e-dil bhi, batana nahi ja ker,

Ro lia keriengay jee bher ker akeelay mai,
Qatra uski chaukhat mai, bahana nahi ja ker,

Mann mandir sajaye rekhiengay moorti uski,
Dekh sakay to dekhay, dekhana nahi ja ker.

Shukria.

You'n raah-e-wafa ki saleeb per,
Teray do qadam uthanay ka shurkia,

Bara pur khatar tha yeh rasta,
Teray laut janay ka shukria,

Jo udaas hai teray hijr mai,
Jinhay bhooj lagti hai zindagi,
Sar-e-bazm unko dekh ker,
Teray muskuranay ka shukria,

Teri yaad kis kia bhais mai,
Meray shair-o-naghmai mai dhal gyi,
Yeh kamal tha teri yaad ka,
Mujhey yaad aanay ka shukria,

Jo usool tha zamanay ka,
Wo usool tu nai nibha dia,
Yehi rasm thehri hai moa'tabar,
Mujhey bhool janay ka shukria.

سوچنےبيٹھوں توبہت سوچتاہوں

سوچنےبيٹھوں توبہت سوچتاہوں
تھک جاوں تو سوچوں کہ کيوں سوچتا ہوں

کویٔي ميری سوچ سوچے يہ سوچتا ہوں
حقيقت کيا ہے کبھي وہ سوچتا ہوں

سوچتے لمحوں کي جب سوچيں بھڑجاتی ہيں
پھرسوچوں کو سميٹنے کا سبب سوچتا ہوں

سلجھانے كوالجھن ان سوچوں کي
سوچنےبيٹھوں توبہت سوچتاہوں

Dil kuch aur samjha tha...

Wo Jazbon Ki Tijarat Thii Yeh Dil Kuch Aur Samjha Tha

Use Hasne Ki Aadat Thii Yeh Dil Kuch Aur Samjha Tha

Muje Usne Kaha Aoo Nai Dunya Basate Hain

Use Suji Shararat Thii Yeh Dil Kuch Aur Samjha Tha

Hamesha Us Ki Ankhon Main Dhanak Se Rang Hote The

Ye Us Ki Aam Halat Thi Yeh Dil Kuch Aur Samjha Tha

Wo Mere Paas Betha Dair Tak Gazlain meri Sunta

Use Khud se Mohabat Thii Yeh Dil Kuch Aur Samjha Tha

Mere Kandhay Per Sar Rakh Kr Kahen Kho Gya thaa Wo

Ye Ik Waqti Innayat Thii Yeh Dil Kuch Aur Samjha Tha

Muje Wo Dekh Kar Aksar Nigaheen Pher Leta Thaa

Ye Dar Parda Haqarat Thii Yeh Dil Kuch Aur Samjha Tha

Ulfat mein milaawat

Ghum

Zabt-e-ghum is qadar asaa'n nahi Faraz,
Aag hotey hain woh ansu jo peyay jatey hain..

Aagay Nahi Barha

Qissa Abhi Hijab Say Aagay Nahi BaRha
Main "Aap", Woh "janab" Say Aagay Nahi BaRha

Muddat Hui Kitab e Mohabbat Shuru Kiye
Lekin Main Pehle Baab Say Aagay Nahi BaRha

Lambi Musaftain Hain Magar iss Sawar ka
Paon Abhi Rakab Say Aagay Nahi BaRha

Logon Nay Sang o Khisht K Qill'ay Bana Liye
Apna Mehel To Khuwab Say Aagay Nahi BaRha

Tool-e-Kalaam K Liye Main Nay Kiye Sawal
Woh Mukhtasar Jawab Say Aagay Nahi BaRha

Woh Teri Chaal Dhaal K Barey Main Kia Kahey
jo Apnay Ehtasab Say Aagay Nahi BaRha

Yaad aatay hain

bhulata la’kh hooN lakin barabar yaad aatay haiN,
elahi tark e ulfat par wo kyooNkar yaad aatay haiN,

nahiN aati tou yaad unki maheenoN tak nahiN aati
magar jab yaad aatay haiN tou aksar yaad aatay haiN,

haqeeqat khul gayee Hasrat teray tark e ta’lluq ki
tujhay tou ab wo pehlay say bhi baRh kar yaad aatay haiN

محبتوں کا پتا چلے گا

Samandar

Khwab kho'day to teri yaad ke khandar nikley,
Khud mein doobey to teri zaat ke andar nikley,
Be-waja na thi yeh beijaan butou'n ki chahat,
Dil jo toota to tere pyar ke mandir nikley,

Hum to samjhe thay keh houn gay yeh do char aansu,
Roney baithey to samandar ke samandar nikley!!

Shehr aur hum

Aagay.

Talash

Asasa

Kuch waaday qasmie'n yadie'n thie'n,
Kuch qehqahy thay, kuch faryadie'n thie'n,

Kuch anso thay jo bahey thay,
Kuch dhokay thay jo khaye thay,

Ab pass hamarey kuch bhi nahi,
Bus yadou'n ki zanjeerie'n hain,

Kuch rung urri tasveerie'n hain,
Kuch lafz mitti tehrerie'n hain,

Ek dil jo deed ka payasa hai,
Bus yehi mera Asasa hai.

Surkh ankhien.

Log pochtay hain kion surkh hain tumhari ankhien,
Hans ker keh deta hun raat so na saka,

Lakh chahoun bhi to yeh keh na sakoun,
Raat ronay ki hasrat thi per ro na saka.

Yaad.

Koi aata hai yaad buht sonay say pehlay,
Jo cheen lay anso meray ronay say pehlay,

Phir rehta hai woh raat bher aise samnay,
Mai akser chal parta hun uske haath thamnay,

Ab neend bhi aaye to mai sona nahi chahta,
Kisi qeemat per bhi mai usko khona nahi chahta,

Hojaye woh kaash mera, mujhay khonay say pehlay,
Jo ata hai yaad buht sonay say pehlay.

Shehr-e-Adawat

Mera us shehr-e-adawat main basaira hai Faraz,
Jahan log sajdoun mai bhi logoun ka bura chahty hain...

Main Aiyna Hoon...

Main Aiyna Hoon,Wo Mera Khayal Rakhti Hay
Main Toot-ta Hoon Tu Chun Kar Sambhal Rakhti Hay,

Har Aik Maslay Ka Hal Nikal Rakhta Hai
Zaheen Hai,Mujhay Hairat Main Daal Rakhti Hay,

Main Jab Bhi Tark-e-taluq Ki Baat Karta Hoon
Woh Rokta Hay Mujhay, Kal Pay Taal Rakhti Hay,

Woh Mairay Dard Ko Chunnta Hay Apnay Pooron Say
Woh Mairay Wastay Khud Ko Nidhaal Rakhti Hay,

Woh Dobnay Nahi Daita Hay Dukh Kay Darya Main
Mairay Wajood Ki Naow Uchaal, Rakhti Hay,

Duain Uss Ki , Balaoon Ko Rook Laiti Hain
Woh Mairay Chaar Soo Hathon Ki Dhaal Rakhti Hay,

Ik Aisi Dhunn ,Kay Nahin Phir Kabhi Main Nay Suni
Woh Munfarid Saa Hansi Main Kamal Rakhti Hay..... ,

Usay Nadamatain Mairi Kahan Gawara Hain,,
Woh Mairay Wastay Asaan Sawal Rakhti Hay,

Bichar Kay Uss Say Main Duniya Ki Thokaron Main Hon
Woh Pass Ho Tau Mujhay Lazawaal Rakhti Hay......... ,

Woh Muntazir Mera Rehta Hay Dhoop Main
Main Laut-ta Hoon To Chahoon Nikal Rakhti Hay...!

Tera hogya

Tu woh zalim jo dil mai reh ker bhi mera na ban saka Ghalib,
Aur dil woh kafir jo mujh mai reh ker bhi tera hogya.

Jab chaha...

Kitna ikhtayar tha usko apni chahat pay,
Jab chaha yaad kia, jab chaha bhula dia,

Janta the woh mujhko behlanay ka har andaaz,
Jab chaha hansa dia, jab chaha rula dia,

Dil bhi uska tha, pyar bhi uska tha,
Jab chaha mera naam likha, jab chaha mita dia..

Meri ankhoun mai

Dhontay kia ho in ankhoun mai kahani meri?
Khud mai gum rehna to aadat hai purani meri,

Bheer mai bhi mil jaonga asani say,
Khoya khoya rehna hai nishani meri..

chaha?

Woh maang leta to ussey muhabbat ka darya detay,
Usnay to shaed aik qatra hi churana chaha..

Loat aata to rah mai uski moti bicha detay,
Usne to shaed mujhay bhulanay ka bahana chaha..

Meri shiddat ki muhabbat hi mera jurm ban gyi,
Usne to shaed kuch faasla hi bharhana chaha..

Is qadr dard bhi ab mujhey chubhta nahi,
Usne to shaed yeh fun hi mujhey sikhana chaha...

Achay nahi lagtay.

Kehien sehra, kahien sokhay shajr, achay nahi lagtay,
Mujhay ab khawab zaaroun keh safar, achay nahi lagtay,

Jawabi khat mai youn usne meray barey mai likha tha,
Bura bhi nahi kehtay, magar achay nahi lagtay,

Wafaon ka bharam tootay to kion zinda rehay koi,
Keh jab dastaar gir jaye to sir, achay nahi lagtay,

Woh lamha bhar mai janmou'n ka taluq torr sakta hai,
Mujhay lamhoun mai sadiyoun k safar, achay nahi lagtay...

Dard rehta hai ...

Mera afsurda chehra isliye bhi zard rehta hai,
Mujhey apnay illawa bhi kisi ka, dard rehta hai,

Uskay dum qadam say thi yeh sub mausam ki rangeeni,
Uskay baad sara saal mausam, sard rehta hai,

Uskay baad baqi aur to sub thiek hai laiken,
Jahan dil tha kabhi pehlay, wahan dard rehta hai...

Jo hai so hai :P

Wo nahi mera magar ussay mohabbat hai, to hai,
Yeh ager rasmo rivaajoun say baghavat hai, to hai,

Sach ko maine sach kaha, jab keh dia to keh dia,
Ab zamanay ki nazar mai yeh himaaqat hai, to hai,

Dost ban ker dushmano sa wo satata hai mujhey,
Phir bhi us pathr dil per marna apni fitrat hai, to hai.

Itna na yaad aao

مجھے اتنا نہ یاد آؤ کہ میں خود کو تم سمجھ بیٹھوں
مجھے احساس رہنے دو میری اپنی بھی ہستی ہے ۔

Mistakes

One of the smartest things you can do is to entertain the possibility that you may be mistaken. Because if you are mistaken, and you're able to see it, you have the opportunity for great progress.

There is no dishonour in being mistaken. Yet there is great folly indeed in being so stubborn that you refuse to admit your own mistakes.

Mistakes can be powerful teachers. By knowing first-hand what does not work, you gain much greater understanding about what does work, and why.

If you're not willing to accept the possibility of mistakes, you're not going to make much headway. Though there's no need to purposely make mistakes, there's no reason to live in fear of them either.

Even if you are already effective, there likely are ways to be yet more effective. Even if your mistakes are not disastrous, there is still much that you can learn from them.

Embrace the fact that somehow, concerning something, you're probably mistaken. And in your mistakes, find the wisdom that will take your performance to an even higher level.

-- Ralph Marston

Kuch nahi milta,,,

Kisi ke aankh se sapnay chura k kuch nahi milta,

Mendeiron se chiraghon ko bhuja k kuch nahi milta,

Koi ik aadha sapna ho to acha b lagta hai,

Hazaron khowab aankhon mai saja ker kuch nahi milta,

Sakoon un ko nahi milta pardes bhi ja kar,

Jinhain apnay watan se dil laga ker kuch nahi milta,

Issay kahna k palkon per na tanky khowaboon k jhalar,

Samunder k kinaray ghar bana k kuch nahi milta,

Ye acha hai k aasia k bharam ma tootne payen,

Kabhi kabhi dostoon ko aazma ker kuch nahi milta,

Mujhay aksar sitaroon se yahi awaz ati hai,

Kisi k hijar mai neendain ganwa ker kuch nahi milta,

Jigar ho jai ga chalnee aankhain khoon se rooye gi,

Wasi befaiz logon se nibha ker kuch nahi milta………

Mohabbat ka safar.

Mohabbat kay safar main koi bhi raasta nahi daita,
Zameen waqif nahi banti, Falak saaya nahi daita,

Khushi, gham kay mausam sab kay apnay hotey hain,
Kisi ko apnay hissay ka koi lamhaa nahi daita,

Udaasi jis kay dil mein ho, ussi ki neend urti hai,
Kisi ko apni aankhon say koi sapna nahi deta,

Uthana khud hi parta hai thaka toota badan apna,
Keh jub tak saans chalti hai, koi kandha nahi daita !!

Bewafa

Mosam-e-Hijr main barish ka barasna kaisa?

Ek sehra say samander ka guzarna kaisa?

Aye meray dil na pareshan ho tanhaa ho kar,

Wo teray sath chala kab tha, bicharna kaisa?

Log kehtay hain keh gulshan ki tabahee dekho,

Main to veeran sa jungle tha, ujarna kaisa?

Dekhnay mai to koi dard bhi nahi dukh bhi nahi,

Per yeh ankhon se ansoo ka nikalna kaisa?

Bewafa kehnay ki jurrat bhi na karna us ko,

Us nay iqrar kia kab tha, mukarna kaisa???

Roye..

Kabhi Zindagi Se Gila Kar Ke Roye !!
Kabhi Mout Ki Hum Dua Kar Ke Roye !!
Ajeeb Silsila Hai Namaz_e_Muhabbat Ka !!
Qaza Kar Ke bhi Roye Ada Kar Ke Bhi Roye !!

M&M...

I went to the refrigerator
to get a pack of M & M's...

A few pieces fell on the
floor and broke into pieces.

That's when I came to
realize that even the
sweetest things can
be broken.

SOLITARY PRINCESS: Now THIS IS ACTUAL POSITIVE THINKING !!!!! THINK ABOUT IT

SOLITARY PRINCESS: Now THIS IS ACTUAL POSITIVE THINKING !!!!! THINK ABOUT IT

KABHI ISHQ HO TU PTA CHALEY

KABHI ISHQ HO TU PTA CHALEY..

Bisat-e-jaan pe azaab utertay hain kis tarah

Shab-o-roz dil pe aetaab utertay hain kis tarah

KABHI ISHQ HO TU PTA CHALE

Yeh jo log hain chupey hoye pas-e-dostan

tu yeh kon hain???

Yeh jo rog se hain chupey hoye pas-e-jismo jaan

tu yeh kis liye???

Yeh jo kaan hain myrey aahton pe lagey hoye

Tu yeh kion bhala????

Yeh jo hoont hain saf-e-dostan mae silay hoye

tu yeh kis liye????

Yeh jo iztraab racha hoa hae wajood mae

tu yeh kion bhala?

Yeh jo sang sa koi aa gira he jamood mae

Tu yeh kis liye???

Yeh jo dil mae dard charha hoa hae lateef sa

tu yeh kab se hae????

Yeh jo putlion mae aks hae koi khafif sa

so yeh kab se hae ???

Yeh jo aankh mae koi barf c hae jami hoi

Tu yeh kis liye???

Yeh jo doston mae nai nai hae kami koi

tu yeh kion bhala??

Yeh jo loog peechay paray hoye hain fazool main

Inhay kya pata

Inhay kya khabar

Kisi raah kay kisi morr pe jo inhay zara

KABHI ISHQ HO TU PATA CHALEY…!!!!

A Timely Decision :-)

Usay yeh kon samjhaye?

Woh dasht-e-khamoshi main,

Unglion may seepiyan pehnay,

Kisi sookhay samandar ki,

Adhuri pyas ki batain,

Buhut chup chaap sunta hai,

Buhut khamosh rehta hai,

Usay kon samjhaye???

Khushi kay ek aansu say,

Samandar bhar bhi jatey hain,

Buhut khamosh rehnay say,

Tualaq marr bhi jaatey hain !!!

Na Pooch

Kitni mushkil say kati kal ki meri raat na pooch,
Dil say nikli hui hontoun mai dabhi baat, na pooch,

Woh kis adaa say meray samnay say guzra abhi,
Kisterah maine sanbhalay apnay jazbaat, na pooch,

Waqt jo badlay, to insaa'n badal jatay hain,
Kiya nahi dikhlatay yeh gardish-e-halaat, na pooch,

Woh kisi ka ho bhi gaya aur mujhey khabar na hui,
Kis terah usnay churaya hai haath, na pooch,

Isterah ek pal mai mujhey baigana kerdiya usnay,
Kisterah apnou say khaayi hai maine maat, na pooch,

Ab tera payar nahi hai to sanam kuch bhi nahi,
Kitni mushkil say bani thi dil ki qainaat, na pooch.

Bikhar gaya

Kabhi maum ban kay bikhar gaya,
Kabhi girtay girtay sanbhal gaya,

Woh ban kay lamha guzar gaya,
Meray paas hi say nikal gaya,

Ussey roktay bhi to kis terah,
Woh shaksh itna ajeeb tha,

Kabhi tarap utha meri aah say,
Kabhi ashq say na pighal saka,

Sar-e-rah mila woh agar kabhi,
To nazar chura ker guzar gaya,

Woh utar gaya meri nigah say,
Meray dil say kion na utar saka?

Woh chala gaya jahan chor kay,
Mai wahan say phir na palat saka,

Woh sanbhal gaya tha Faraz magar,
Mai bikhar ker phir na simmat saka.

Chupkay Chupkay

Woh hata rehay hain pardah, sar-e-aam chupkay chupkay,
Koi qatal horeha hai, dar-e-baam chupkay chupkay,

Yeh jhuki jhuki nigaahien, yeh hasee'n hasee'n isharey,
Kahien lay na jayien shaed, meri jaan chupkay chupkay,

Kabhi shookhiyan dekhana, kabhi unka muskurana,
Yeh adaayien ker na daalien, mera kaam chupkay chupkay,

Yeh jo hichkiyan musalsal, mujhey aarehi hain yaaro,
Koi lay reha hai shaed, mera naam chupkay chupkay.

Koi

Aisa bhi ho jo ussey mila day koi,
Kaisa hai woh, itna to bata day koi,

Sookhi hain buhat din say palkoun ki zameenain,
Buss aaj to jee bher kay rula day koi.

Khabar

Shab-e-Hijran ki aziyat ki khabar kisko hai,
Meri gumnaan muhabbat ki khabar kisko hai,

Kisko ehsas hai meray shidat-e-jazbaat ka,
Meray halaat, meri wahshat ki khabar kisko hai,

Kon weera'n makano ki khabar rekhta hai,
Meri ujri huwi qismet ki khabar kisko hai,

Main nay chup chaap muhabbat kay sitam jhailay hain,
Meri is darja-e-sharafat ki khabar kisko hai,

Kon aa'ye ga aye dil ab tujhko tasalli dainay,
Teri udaas tabiyat ki khabar kisko hai?

Dil ka

Un ka andaz-e-karam, Un pay woh aana dil ka,

Haye woh waqt, Woh batien, Woh zamana dil ka,

Na sunna usne tawajjuh say, Fasana dil ka,

Umar guzri, per dard na jana dil ka,

Dil lagi, dil ki lagi ban kay mita deti hai,
Rog dushman ko bhi bhi ya RAB na lagana dil ka,

Woh bhi apnay na huwey, dil bhi gaya hathoun say,
Aisay aanay say to behter hai, na aana dil ka,

Unki mehfil mai unkeh tabbassum ki kasam Faraz,
Hum dekhtay reh gye jana dil ka..

Ajeeb kurb ka alam hai........

Ajeeb kurb ka alam hai meri basti per

Ghata bhi chaai hai or barsat bhi nahi hoti
Silay hain hont or koi baat bhi nahi hoti

Ajeeb rang badalta hai asar ka suraj
K shaam khafa hai or raat bhi nahi hoti

Main uski zaat ka hissa bhi ban nahi sakta
Juda us se meri zaat bhi nahi hoti

Wo Mera Khayal Rakhti Hai

Mai Aaina Hoo'n Wo Mera Khayal Rakhti Hai
Mai Tut Ta Hoo'n To Chunn Kar Sambhal Rakhti Hai

Har Aik Shai Ka Wo Hall Bhi Nikaal Rakhti Hai
Zaheen Hai Mujhey Hairat Mai Daal Rakhti Hai

Mai Jab Bhi Tarq E Taalluq Ki Baat Karta Hoo'n
Wo Rokti Hai Mujhey, Kal Pe Taal Rakhti Hai

Wo Mere Dard Ko Chunti Hai Apni Palako'n Se
Wo Merey Wastey Khud Ko Nidhal Rakhti Hai

Wo Dubney Nahi Deti Hai Dukh K Darya Mai
Merey Wujud Ki Na'o Uchal Rakhti Hai

Dua'ain Uski Balao'n Ko Rok Leti Hain
Wo Merey Char Soo Aisa Hisaar Rakhti Hai

Ik Aisi Dhunn K Nahee Maine Fir Kabhi Bhi Suni
Wo Munfarid Sa Husan'n Mai Kamal Rakhti Hai

Usey Nidamatain Meri Kaha'n Gawara Hai'n
Wo Merey Wastey Aasa'n Sawal Rakhti Hai.

Mujhy Tum Yaad Atay Ho....

Zara tum sham dhalny do

kay suraj ko to jany do,

parindon ko to urnay do,

zara tum sham dhalny do

Abi to asman ka rang nikhray ga

abi khushboo b bikhray ge,

abi mosam b badlay ga,

abi to chand niklay ga

Abi manzar badalny mai,

zara se dair baki hai

abi dil kay sambhalny mai,

zara se dair baki hai

Chalay aao abi do char pal,

do char sadiyan sath rehnay do

mujhay kuch aaj kehnay do,

bas apnay pass rehnay do

Mujhy itna to kahnay do,

mujhy tum yaad atay ho

bohat yaad atay ho.......

Shikayat

Wo Chahta Tha Phir bhi Koi Guftugu Na Ki,
Maine bhi Pochney Ki koi Justuju Na Ki,
---
Karta Raha Bayan woh Ghairon K Samney,
Us nay Kabhi Shikayat Mere Rubaruh Na Ki ...
---

Kabhi woh khafa kabhi main khafa

Youn hi ranjishon main guzar gai zindagi,
Kabhi woh khafa kabhi mai khafa,

Wahmon k har morr per kabhi wo ruka kabi main ruka,
Wohi rastey hain wohi hum, na usey khabar na mujhy pata,

Apni apni ana main gum hain kuch is tarha,
Kabhi woh khafa kabhi main khafa :)

Nahi milta?

Kabhi kisi ko mukamal jahan nahi milta,
Kahien per zameen to kahien aasman nahi milta..

Jaisay Banday Khuda k Hoty Hain.

Qurb k na wafa k hoty hain
saray jhagray ana k hoty hain

Baat nieyat ki sirf hai warna
waqt saray dua k hoty hain

Bhool jaty hain, mat bura kehna
log putlay khata k hoty hain

Wo bazahir jo kuch nahi lagty
un se rishtay bala k hoty hain

Wo Humara hai is tarah se Faiz
jaisay banday khuda k hoty hain.

Barish k baad..

Hogayi rukhsat ghataa barish k baad
Aik diya jalta raha barish k baad

Meray behtay huyey Anson ko dekh ker
Roo pari thandi hawa barish k baad

Meri tanhai ka daman tham ker
Kuch udasii nay kaha Barish k baad

Yaad teri Orh ker main so gaya
Khwab ka darr khul gaya barish k baad

Chand dekh ker badloon ki qaid main
Aik sitara roo dia barish k baad

Apnay ghar ki her katchi dewar per
Naam tera likh dia barish k baad.

Rula deta hai

Woh jo milta hai sub bhula deta hai,

Janey kia baat hai, dil us ko dua deta hai,

Woh mujhey piyar se rotey mein hasaney wala,

Yaad ata hai to hastey mein rula deta hai........!

Adhori lagti hai ...

Lafz adhooray lagtay hain, har baat adhoori lagti hai..
Chand bhi nahi nikla, ye raat adhoori lagti hai..
~~~

Baras rahay hain badal meray aashiyanay per qehar ban kar..

Abhi toota nahi makaan mera, ye barsaat adhoori lagti hai..
~~~

Kab tak sahara daingi umeedai'n meri sansoo ko..

Milta nahi tujh sa meharbaa'n, ye kainaat adhoori lagti hai..
~~~

Mili hain khushiya'n bhi mujhay lamho'n keh wastay..

Agar gham hi moqaddar hai to, ye soghaat adhoori lagti hai..
~~~

Kis se gila karoon koun suneiga meri dastan-e-tanhai..

Likha tha jis per mera naseeb, Wo kitaab adhoori lagti hai..
~~~

Abhi Ik Khaab Baqi hai ..

Khwaaboun waley.

Ye jo sar guzishta se phirte hain kitaabo'n waale
in se mat mil ke inhe rog hain khwaabo'n waale

ab maah-o-saal ki mohlat nahi milne waale
aa chuke ab to shab-o-roz azaabo'n waale

ab to sab dashna-o-khanjar ki zubaa'n bolte hain
ab kahaan log mohabbat ke nisaabo'n waale

jo dilo'n par hi kabhi hakaab zani karte thhey
ab gharo'n tak chale aaye wo nikaabo'n waale

zinda rehne ki tamanna ho to ho jaate hain
faakhto'n ke kirdaar bhi uqaabo'n waale

na mere zakhm khile hain na tera rang-e-hina
ab ke mousam hi nahi aaye gulaabo'n waale

yoon lagta hai ke qismat ka sikandar hai "FARAZ"
magar andaaz hain sab khaana kharaabo'n wale.

Chand..

Pichhly peher ki raat thi,
tanhai or uski yad thi.
Chand ne mujhse kaha kon hy?
Mai ne kaha koi khaas nhi.
Bola zindgi kesi hy?
mai ne kaha koi saath nhi.
Bola phir kiya chahty ho?
mai ne kaha koi Aas nhi.
Bola tumne pyar kya hy?
mai ne kaha kuch Yad nhi.
Bola tumhary sath bhe dohka howa?
Mai ne kaha asi koi bat nhi.
Bola phir ek bat kahon tumse?
Mai ne kaha koi aetraz nhi.
Bola phir tumny pyar kia hai or wo tere sath nai.

WHAT HAPPENED???

What happened to those days when my faith was strong?

When I wouldn't dare think of doing anything wrong

When my trust in Allah would lead me through

The good and bad, the old and new

What happened to the days when my prayer was sincere?

When there was absolutely nothing on earth I would fear

When I was certain that Allah was very near

And would run to Him and leave all else that is dear

What happened to those days when I could recite well?

When I bought Paradise and this world I would sell

When my heart was pure and all full of light

When my Salah was my source of strength and might

What's wrong my soul, why did you fall?

Don't you know that Allah hears your call?

A little test like this shouldn't beat you so

It shouldn't pull you down to a level so low

Don't you know that Allah always chooses what is best

And that this is all part of a previously planned test

Allah is Great, Allah is Al-Hakeem

His ways are just, no matter how hard it may seem

Hold on my soul, to the fireball in your palm

Hold on tight and when it burns, be calm

Whenever it falls, bend down and restart

Let out the tears and wipe clean that heart

Get back on your feet and go back to those days

You will soon see this is only a transient phase--

Source: This poem has been taken from this blog, with many thanks.

Umeed

>Umeed-e-Aaftaab kerke nikley,
Gham-e-Mahtab ne Aaaliya,
So Humne Khawahishoun Ko Bhoul Ker,
Taqdeer Ko Muqadar Bana Lia,

>Yaar To Nahi, Dard-e-Yaar Mila,
Zindagi to nahi, Magar Piyar Mila,
Youn Humne Apni Taalash mai,
Khud Ko Hi Tanha Bana Lia!

(TML)

Acha Hota hai ...

Dil Torney Sey Pehlai Batana,
Acha Hota Hai,
Moa Morne Se Pehlay Dikhana,
Acha Hota Hai.

Kuch Log Dil Hotey Hain,
Kuch Dil Ke Paas Hotey Hain,
In Sub Ka Rekhna Khayal,
Acha Hota Hai.

Zindagi Tu Chalni Hai,
Chalti Hi Jaye Gi
Jinko Chunlia Humsafar,
Unkay Chalna Saath,
Acha Hota Hai!

Na Chahtey Huwey Bhi log,
Dil De Baith'tay Hain,
Apni Chahtoun ka rekhna khayal,
Acha Hota hai!

Jo Apnoun Mai Bhi Beganey Houn,
Jo Ghairoun Mai Bhi Apney Houn,
In mai rekhna ik hisaab,
Acha Hota hai.

                          ( TML )

Too hi hai

Andheri raat hai, saaya tu ho nahi sakta,
Yeh too hi hai jo meray sath sath chalta hai!

Inqilaab

~~~
Hum log...
Daai'ron mein chaltey hain,
Daai'ron mein chalnay say,
Daai'ray to barhtey hain,
Faasley nahin ghat'tey,
Aarzo'ein chalti hain,
Jis taraf ko jaatey hain,
Manzilain tamanna ki,
Saath saath chalti hain,
Gard urti rehti hai,
Dard barhta rehta hai,
Raastey nahin ghat'tey!,
Subh daam sitaaron ki taiz jhilmilahat ko,
Roshni ki amad ka pesh baab kehtay hain,
Ik kiran jo milti hai, aaftaab kehtay hain,
Daairrah badelnay ko inqilaab kehtay hain...
~~~

Abhi kuch waqt baqi hai...

Agarchey waqt mahram hai…

Magar kuch waqt lagta hai…

Kisi ko bhool jane mien…

Dobara dil basane mien…

Abhi kuch waqt lagana hai…

Abhi wo dard baqi hai…

Main kaise nai ulfat mien aapne zaat ko gum ker doon…

K mere jism-o-wajood mien abhi wo fark baqi hai…

Abhi us shaks ki mujhe per nigah-e-sard baqi hai…

Abhi to ishq k rastoon ki mujh per gard baqi hai…

Abhi wo dard baqi hai…

SMS Shair-25

Zara dhayan rekhna, yeh meri pehli muhabbat hai,
Wafa ka maan rekhna, yeh meri pehli muhabbat hai,
~~~
Kahan is umer mai hum bhais badliengye faqeeroun ka,
Milan aasan rekhna, yeh meri pehli muhabbat hai,
~~~
Judayi keh dino mai log chehray bhool jatey hain,
Meri pehchaan rekhna, yeh meri pehli muhabbat hai,
~~~~
Judai to mai seh lounga magar tumse milnay ka,
Koi imkaan rekhna!, yeh meri pehli muhabbat hai.
~~~~

MERI SADGI MERA JURM HAI

Yahan chahtoun ka sila nahi ,
Yahan dosti ka maza nahi,
Yahan janay kaisi hawa chali,
Rahi dostoun mai wafa nahi,

Yahan jal gia mera aashiyan,
Abhi baadloun ko pata nahi,
Teray dar pe dastak de sakoun,
Yeh haq tumne mujhey dia nahi,

Mai raahi houn rah-e-umeed ka,
Mujhey manziloun ka pata nahi,
Be-bas houn jahan mai itna,
Jaise mera koi ''Khuda' nahi,

Meri saadgi mera jurm hai,
Koi aur meri khata nahi.!
~~~~

Chalo ik bar phir se ..

Taarruf rog ho jaaye to usko bhoolnaa behtar
Taalluk bojh ban jaaye to usko todnaa achchha
Voh afsaana jise anjaam tak laana na ho mumkin
Use ek khoobsoorat mod dekar chhodna achchha...


Click here to read full.

Beautiful poem

SMS Shair-24

Ho raat akaili pichlay pehr,
Aur chand aangan mai aajaye,
Tum chand ki manind tanha ho,
Yeh baat tumhai tarpa jaye,
~~
Kuch khawab saja ker palkoun peh,
Tum chand say batien ker lena,
Hum yaad tumhai hi kertay hain,
Tum yaad hamie bhi ker lena,
~~
Kuch na ho jab aise hi,
Num ankh tumhari ho jaye,
Tum baat kahien peh kertay ho,
Dil aur kahien peh kho jaye,
~~
Jazbaat keh aise aalum mai,
Muskaan laboun per bher lena,
Hum yaad tumhai hi kertay hain,
Tum yaad hamie bhi kerlena.

SMS Shairi-23

~~~
Aaj halki halki barish thi,
Aur sard hawa ka raks bhi tha,
Aaj phool bhi nikhray nikhray thaye,

Aaj unmay tumhara aks bhi tha,
Aaj badal kalay gehray thaye,
Aur chand per lakhoun pehray thaye,

Kuch tukray tumhari yadoun kay,
Bari dair say dil mai thehray thaye,
Aaj yaad buht tum aye thaye,
Haan! yaad buht tum aye thaye...
~~~

SMS Shairi-22

Woh ajeeb phool say lafz thay,
Teray hont jinsay mehak uthay,
Meray khawab mai dur tek,
Koi bhaagh jaise laga gaye,
Meri umr say na mit sakay,
Meray dil mai itnay sawal thaye,
Teray pass jitnay jawab thaye,
Teri ek nigah mai aagye...
---

SMS Shairi-21

Meri raat din mai chuppi hui,

Mera din chuppa kisi raat mai,

Meri zindagi ek raaz hai,

Koi raaz meri baat mai,

Main jahan kahien bhi ulajh gaya,

Wahien girtey girtey sambhal gaya,

Mujhey thokroun say pata chala,

Mera haath hai kisi haath mai!

SMS Shairi-20

Aarzo-e-safar ka jab humnay irada kia tha,
Saath chalnay ka usnay bhi wada kia tha,
Kuch usko raas na aayien wafa ki sadaqtien,
Kuch aitebar humnay bhi ziada kia tha..

SMS Shairi-19

Aik chanda tanha khara reha,

Meray asmaa'n say zara parey,

Meray saath saath safar mai tha,

Meri manziloun se zara parey,

Teri justajo keh hisaar say,

Keray khaab teray khayal say,

May woh shaksh tha jo khara reha,

Teri chahtoun se zara parey,

Kabhi dil ki baat kahi na thi,

Jo kehi to woh bhi dabi dabi,

Meray lafz purey to thaye magar,

Thay sama'to say zara parey,

Tu chala jaye ga meray dost,

Zara dekh mur k to ek nazar,

Meri kashtiyan hain jalien huwi,

Teray sahiloun se zara parey....

SMS Shairi-18

Kab hui payar ki barsat mujhey yaad nahi.,

Khauf mai doobi mulaqat mujhey yaad nahi,

Mai to madhoosh thi kuch itna uski chahat mai,

Usnay kab chor dia haath mujhey yaad nahi ....

SMS Shairi-17

Us nay aik bar bataya tha mujhey,

Barasti barish say ishq hai usko,

So uska ishq apnanay keh liye,

Meri ankhien har raat barasti hain.

SMS Shairi-16

Rang pairhan ka, Khushbo zulf lehranay ka naam,

Mausam-e-gul hi tumharey baam aanay ka naam,

Dosto is chashm-e-lab ki kuch kho jiskay beghair,

Gulistan ki baat rangeen he, na maikhanay ka naam,

Phir nazar mai phool mehkay,

Phir shamien jalien,

Phir tasawur nai lia is bazm janay ka naam,

Faiz in ko hi taqaza-e-wafa hum say jinhain,

aashna keh naam say payara hai baiganay ka naam...

SMS Shairi-15

Usey roktay bhi to kisliye,
Woh jo shehr-e-dil tha ujar gya,
Woh jo khaab tha woh bikhar gya,
Kabhi mausmo'n ki nazar lagi,
Kabhi wahmou'n nay dara dia,
Kabhi manziloun kay sarab nay,
Kabhi zindagi ki kitaab say,
Jisne chaha mita dia,
Buss isiliye...
Woh ja reha tha dur tek,
Ussey dekhtay hi rehay, Magar nahi di sadaa,
Ussey roktay bhi to kisliye?...

SMS Shairi-14

Mainey haq-e-muhabbat ada kiya,

Na kabhi kisi se gila kiya,

Mujhey ajab iska sila mila,

Mujhey dil se usne bhula dia,

Muhabatoun ki kitab ka,Har warq jala dia,

Woh jo arzo ka chiragh tha, Usey nafratoun ne bhula dia,

Mujhey zakhm phir aik naya dia,

Mujhey is muhabbat nai kia dia?

Woh jo kehtay thaye khush reho,

Woh jo kehtay thaye meri Jaan ho tum,

Har lamha hansa kero,

Mujhey aaj unho ne rula dia,

Mera nishaan tek mita dia...

SMS Shairi-13

Dil wohi rehtay hain jazbaat badal jatey hain,

Sochnay waloun k andaaz badal jatey hain,

Woh jo detay thaye har baat pe hawala mera,

Ab merey zikr per baat badal jatay hain!

SMS Shairi-12

AB k tamam shehr mai elaan hogya,

Ek shakhs meri zaat ki pehchaan hogya,

Pehlay to merey naam se mansoob woh huwa,

Aur phir kitab-e-zeest ka woh unwaa'n hogya,

Iqrar ker na saka woh chahat k bawajood,

Apni anna ki aarh mai woh anjaan hogya,

Ger woh udaas kergya mujhko to kia huwa,

Mujhsey bicher ker woh bhi to bejaan hogya.

SMS Shairi-11

Gham-e-zindagi teri rah mai,

Shab-e-arzo teri chah mai,

Jo ujar gya woh basa nahi,

Jo bichar gya woh mila nahi,

Jo dil-o-nazr ka saror tha,

Mere pass reh ker bhi dur tha,

Woh aik ghulab umeed ka,

Meri shakh-e-jaan per khila nahi,

Mera humsafar jo ajeeb hai,

To ajeeb-ter mai aap bhi,

Mujhey manziloun ki khabr nahi,

Usey rastoun ka pata nahi,

Pas-e-karwan, sar-e-rahguzar,

Mai shikasta pa houn to isliye,

Keh qadam to sub ne mila liye,

Mera dil kisi se mila nahi!

SMS Shairi-10

Gaye dino ka suragh laiker kidher se aya kidher gya woh,

Ajeeb manoos aadmi tha, mujhey to hairan kergya woh,

Woh mai-kaday ko jaganay wala, woh raat ki neend uranay wala,

Yeh aaj kia uske jee mai aaya k shaam hotey hi gher gya woh,

Woh jiske shano per haath rekh ker safar kia tunay manziloun ka,

Teri gali se na janay kion aaj sir jhukaye guzar gya woh,

Woh hijr ki raat ka taara, woh hum-nafs hum-sukhan hamara,

Sada rehay naam uska pyara, suna hai kal mar gya woh,

Woh raat ka bai-nawa musafir, woh tera shayr woh tera nasir,

Teri gali tek humne dekha tha, phir na janay kidher gya woh...

Tu Nai Aaaya (Punjabi)

~~~
Tu nai aaya, teri yaad aakay, tera waada yaar wafa kergyi,

Rehi taan milan di pal pal menu, Mera mann sakoon tabah kergyi,

Boha kharkia, sunya kaye wari,

Assi samjhay asr dua kergyi,

Jad khol k waikhya kuj v nai,

Saday naal mazak hawa ker gyi.
~~~

Raqs palkoun per ..

A jao

Sadiyon say jagi ankhon ko,
Ek baar sulaaney aa jaao,
Maana keh tumko pyar nahi,
Nafrat hi jataane aa jaao.
~~~
Jis morr pe mujhko chor gaye,
Main baithi ab tak soch rahi,
Kya bhool hui, kyon juda huye?
Bas ye samjhaane aa jaao.
~~~
Har lamha teri furqat me,
Main tarap rahi main taras rahi,
Meri maano tum is dil ko,
Kuch pal bahlaney aa jaao.
~~~
Qatra qatra shabnam se pyaas,
Bujhhti nahi barh jaati hai,
Tum apni ek jhalak dekar,
Ab meri pyaas barhaa jaao.
~~~
Shayad ye jeena aasaan ho,
Gar dil me koi armaan na ho.
Meri barhti har hasrat ko,
Haathon se jalaane aa jaao.
~~~
Mujh par laakh sitam dhaao,
Ya dard ke pehloo me rakho,
Issey pehle aankhein moondun,
Mere Khawab churaney aa jaao.
~~~

Akela

Aagahi ke rastey par
Fikr ke dareechon se
Jab kabhi Guzarta hoon
Main Buhat Ulajhta hoon
Kis tarah Yeh mumkin Hai
Aik main akela aur
Aainay ke andar bhi
Aainay ke bahir bhi..

Poet: Qaiser Munawwar

SMS Shairi-9

Akser woh meri nazam ka unwaan reha hai,
Laiken woh meri muhabbat se anjaan reha hai,

***

Kuch kaha na is dar say k kahien bura na maan jaye,
Magar woh ab isi baat ka bura maan reha hai ...

***

SMS Shair-8

Mujhey maaf ker meray humsafar,
Tujhey chahna meri bhool thi,

Kisi rah pay jo uthi nazar,
Tujhey dekhna meri bhool thi,

Koi nazam ho koi ghazal ho,
Kahien raat ho kahien seher ho,
Woh gali gali woh seher seher,
Tujhay dhondna meri bhool thi.

Tere gham ki koi dawa nahi,
Mujhey tujhsey koi gila nahi,
Mera koi tere siwa nahi,
Yehi sochna meri bhool thi.

SMS Shair-7

Tum bin meri zaat adhuri,
Jaise koi baat adhori,

Hijr k sarey din hain porey,
Laiken hai har raat adhori,

Lafzoun ki gehrai mai jhanko,
Samjho na har baat adhori,

Num ankhien aur sookhi palkien,
Hoti hai barsaat adhori,

Mujhsey mujhko chain gye tum,
Reh gyi meri zaat adhori.
---

SMS Shair-6

Kabhi lafz bhool jaon, kabhi baat bhool jaon,
Tujhey is qadr chahoun apni zaat bhool jaon,

Uth ker kabhi jo tere pass se mai chal doun,
Jatey huwey khud ko tere saath bhool jaon.

SMS Shair-5

Kal Halki Halki Barish thi,
Kal sard hawa ka raqs bhi tha,
Kal phool bhi nikhray nikhray thaye,
Kal unmay aapka aks bhi tha,
Kal badal kaalay gehray thaye,
Kal chaand pay lakhoun pehray thaye,
Kuch tukray apki yadoun kay,
Bari dair se dil mai thehray thaye,
Kal yadien uljhi uljhi thien,
Aur kal tek yeh na suljhi thien,

Kal yaad buht tum aye thaye..
Kal yaad buht tum aye thaye.

SMS Shair-4

Meri zindagi tera Saath ho,
Meri zindagi teri Baat ho,
+++
Jo jhukay nazar tera Khuwab ho,
Jo uthay nazar teri Zaat ho,
+++
Merey haath mai ek Phool ho,
Aur woh phool tera Haath ho.
+++

SMS Shair-3

Barishon keh mausam mai tujhey yaad kernay ki adatien purani hain,
Ab ki baar socha tha keh adatien badal dalien..
Phir khayal aaya keh,
Adatien badalnay sey barishien nahi ruktien .

SMS Shair-2

Kabhi fursatien jo naseeb houn,
Chalo aao kisi roz tum,
---
Keh barey adhorey hain mamlay,
Teri zaat se meri zaat tek.
---

SMS Shair-1

Muhabbat ka irada ab badal jana bhi mushkil hai,
Tumhai khona bhi mushkil hai, tumhai pana bhi mushkil hai,
~~~
Udasi terey chehray ki gawarah bhi nahi laiken,
Teri khatir sitarey tor ker lana bhi mushkil hai,
~~~
Zara si baat per ankhien bhigo ker baith jatey ho,
Tumhai to apnay dil ka haal batana bhi Mushkil hai!
~~~

Barey log?

Bade Logon Se Hamesha Thoda Fasla Hi Rakhna,
Kyo Ke Jahan Dariya Samundar Se Milte Hai,
Wahan Dariya Dariya Nai Rehte....