Tuesday, February 10, 2009

Bikhar gaya

Kabhi maum ban kay bikhar gaya,
Kabhi girtay girtay sanbhal gaya,

Woh ban kay lamha guzar gaya,
Meray paas hi say nikal gaya,

Ussey roktay bhi to kis terah,
Woh shaksh itna ajeeb tha,

Kabhi tarap utha meri aah say,
Kabhi ashq say na pighal saka,

Sar-e-rah mila woh agar kabhi,
To nazar chura ker guzar gaya,

Woh utar gaya meri nigah say,
Meray dil say kion na utar saka?

Woh chala gaya jahan chor kay,
Mai wahan say phir na palat saka,

Woh sanbhal gaya tha Faraz magar,
Mai bikhar ker phir na simmat saka.

1 comment:

  1. Anonymous9:19 pm

    Faraz - A classic piece!

    ReplyDelete