Wednesday, February 09, 2011

Nahi likhna.

Mujhey darya nahi likhna,mujhey sehra nahi likhna
Tasallsul se safar main hoon, mujhey thehra nahi likhna

Puranay rabton ki raakh ab tak dil main baqi hai
Meri jalti hatheli par naya wada nahi likhna

Anaa se jeet kar usko agar jo mainey khoya hai
Mera noha nahi likhna mera naghma nahi likhna

Bisat-e-zindagi ki aakhiri sarhad pe kharii hoon
mujhe mashhoor na karna mera charcha nahi likhna

Ye na ho tum kabhi us ko mitaana chaho, na mitay
Mujhey apna samajh lena magar apna nahi likhna

Meri aankhon may baatein hay magar chehray pe gehri chup
Meri aankhein to likh dena mera chehra nahi likhna

Kahin aisa na ho meri kasak us dil main reh jaye
Mera dukh dard likh dena magar gehra nahi likhna

4 comments:

  1. the first two verses are outstanding tauqeer.. i think this wd be my fav :)

    ReplyDelete
  2. Glad you liked it. Thanks to fwd txt messages :)

    ReplyDelete
  3. well u know initially i used to think its intikhab out of ur poetry :P aiwain impress ho rahe the ;)

    ReplyDelete
  4. Damn....!

    Waise aik do meri bhi hain ;) kahien neeeeeechay hongi.

    ReplyDelete